SHBA, sanksione në Serbi e Mal të Zi/ Penalizohen disa kompani që mbështetën Rusinë në luftën me Ukrainën
31/10 22:59
NASA, Administrata Kombëtare e Aeronautikës dhe Hapësirës së SHBA-së ka lëshuar në hapësirë teleskopin më të madh dhe më të fuqishëm në botë, të emërtuar James Webb.
James Webb, lëshimi i të cilit është shtyrë shumë herë më parë me arsye të ndryshme, por sot në këtë festë Krishtlindjesh u dërgua në hapësirë nga platforma në Guajanën Franceze në brigjet verilindore të Amerikës së Jugut.
Pritet që James Webb të vendoset pas 1 muaji në orbitën e cila ndodhet në një distancë rreth 1.6 milion kilometra nga Toka dhe në vitin 2022 të fillojë të mbledhë të dhënat dhe pamjet e para.
NASA njoftoi se teleskopi falë pasqyrës që mund të zgjatet 6.5 metra mund të mbledhë më shumë dritë dhe mund të vëzhgojë më shumë detaje.
Webb ka një teknologji me infra të kuqe dhe është produkt i teknologjisë së fundit ku janë shpenzuar 10 miliardë dollarë. Falë pajisjeve të përparuara optike teleskopi do të jetë në gjendje të ekzaminojë të gjitha fazat e historisë së universit nga sistemi diellor e deri tek galaktikat më të largëta të dukshme.
Gjithashtu Webb i cili është produkt i një punimi të përbashkët të NASA-s me agjencitë hapësinore të Evropës dhe Kanadasë, shihet si pasardhës i teleskopit hapësinor Hubble, observatori më i madh dhe më i fuqishëm shkencor i ndërtuar deri më tani.
Top Channel
