Gazetari që publikoi ‘listën e klientëve’ të Epstein thotë se krimineli ‘kishte klonuar veten’ (fotot)
15/05 17:16
Këngëtarja britaniko-shqiptare Dua Lipa, kongresmenja amerikane Marjorie Taylor Greene, dhe drejtoresha e kompanisë Ben & Jerry, Anuradha Mittal ishin mes finalistëve të çmimit ironik “Gratë antisemite të Vitit” nga grupi hebre StopAntisemitism.org.
Lipa ishte bërë edhe më parë objekt i kritikave të grupit për mbështetjen e saj ndaj Palestinës, si dhe për shpërndarjen në llogaritë e saj të postimit të regjizorit Vin Arfuso ku thuhej se “ushtria e Izraelit shijon të rrahë e të qëllojë me armë ndaj fëmijëve.”
Këngëtarja shqiptare është nga influencueset më të mëdha femra me 76 milionë ndjekës në rrjetin Instagram, por lobi hebre shkruante se ajo “përdor famën e saj për të folur keq ndaj Izraelit dhe për të promovuar anti-semitizmin”.
Ndërsa për tre finalistet në përgjithësi organizata shkruante se përhapin “teori konspiracioni” dhe urrejtje, prandaj ishin zgjedhur nga “votat e përdoruesve online”.
Grupi shkruante për kongresmenen republikane amerikane Greene nga Georgia, se “ka humbur shumë detyra në Kongres pasi dolën në dritë ‘teoritë e saj të konspiracionit anti-semit’”.
Ndërsa Mittal, drejtuese e kompanisë së akullores Ben & Jerry prej vitit 2008, akuzohej nga lobi hebre se kishte bërë donacione organizatën e saj jo-fitim-prurëse pro-palestineze.
Grupi tha se “do të kurorëzonte gruan Antisemite të vitit” më 27 dhjetor, me votim online.
Më parë mbajtëse të çmimit kanë qenë kongresmenja demokrate Ilhan Omar nga Minnesota në 2019 dhe avokati Nerdeen Kiswani në 2020.
Top Channel
