Alba akuzon rëndë Meri Shehun, astrologia braktis studion pas sherrit 24/11 18:38
Në pamje shihen momentet e pabesueshme kur një shqiponjë lëshohet për të sulmuar në ujë një peshkaqen që kishte ngecur në grepin e peshkatarit.
Dy burra shihen në video duke tërhequr fillin e peshkut me flatër kurrizore, kur gjithçka ndërpritet nga zogu i uritur.
Pamjet e shpërndara në rrjetin Tiktok ishin filmuar gjatë një perëndimi dielli në plazhin Clearwater, në Florida, teksa peshkatarët tërhiqnin peshkaqenin e tyre jashtë ujit.
Por shqiponja zbret e vendosur duke kapur peshkaqenin në kthetra, ndërsa shikon kërcënueshëm nga dy burrat e habitur.
Përdoruesit e mediave sociale shprehnin mrekullimin e tyre me “paturpësinë” e shqiponjës.
Një prej tyre shkruante: “Shqiponja qëndron duke i parë ata sikur të ishte duke u thënë: ‘Çfarë mendoni se po bëni? Kjo është darka ime?'”
Një tjetër shkruante: “Shqiponja i falenderon ata për kapjen, ‘Shumë i mirë por tani do ta ha unë!”
Top Channel
