Trump, Orban synojnë të drejtojnë lëvizjen konservatore ndërkombëtare 28/04 16:47
Sekretari i Mbrojtjes i Shteteve të Bashkuara, Lloyd Austin thotë se “angazhimi i Amerikës për sigurinë në Lindjen e Mesme është i fortë dhe i sigurt”.
Zoti Austin i bëri komentet të shtunën në Dialogun e Manamasë në Bahrein, në një kohë kur zyrtarët e rajonit janë të shqetësuar për angazhimin amerikan, veçanërisht pasi Uashingtoni po kërkon të arrijë një marrëveshje bërthamore me Iranin dhe në kushtet e tërheqjes dramatike nga Afganistani.
“Por veprimet e Iranit në muajt e fundit nuk kanë qenë inkurajuese — veçanërisht për shkak të zgjerimit të programit bërthamor,” shtoi zoti Austin. Megjithatë, tha sekretari i mbrojtjes, si “miqtë ashtu edhe kundërshtarët” e kanë të qartë se çfarë kapacitetesh mund të përdorin Shtetet e Bashkuara.
Zoti Austin pohoi gjithashtu të shtunën se Uashingtoni ka të ngjarë të kërkojë një zgjidhje diplomatike sepse në administratën e presidentit Biden, diplomacia është “alternativa e parë”.
Duke cituar ish-presidentin amerikan Dwight Eisenhower, sekretari i mbrojtjes tha se “vetëm armët nuk mund të sjellin paqe të përhershme në botë.”
Top Channel
