Protestat në kampusin e Universitetit të Kolumbias, efekticvi i policisë qëllon aksidentalisht me armë 03/05 22:59
Dymbëdhjetë persona akuzohen si autorë të grabitjes së Kim Kardashian në Paris, të cilët nën kërcënimin e armës, arritën të marrin disa bizhuteri me një vlerë prej 10 milionë dollarësh. Ata pritet të dalin pas pak ditësh në gjyq, për t’u përballur me akuzat e ngritura nga prokuroria.
Ngjarja ka ndodhur në vitin 2016, gjatë javës së modës, ndërsa Kardashian është shprehur se disa persona të maskuar dhe të armatosur, arritën të futeshin në apartamentin e marrë me qira në Paris, ta lidhnin atë dhe ta mbyllnin në tualet.
Hetimet në lidhje me ngjarjen kanë zgjatur për pesë vite. Tani, prokurorët janë të bindur në grumbullimin e fakteve dhe kanë dërguar dosjen në gjykatë.
Të 12 të dyshuarit do të përballen me disa akuza në lidhje me grabitjen. Ende nuk është caktuar data e gjyqit, ndërsa nuk janë dhënë detaje të tjera.
Avokati francez i Kardashian nuk ka pranuar të japë asnjë detaj në lidhje me hetimet.
Më herët gjykata ka zbutur masën e dënimit për disa persona të dyshuar, duke vendosur masën arrest shtëpie për shkak të problemeve shëndetësore. Në mesin e tyre është Yunice Abbas, 68 vjeç, i cili dyshohet se ka qenë pjesë e grupit të grabitësve. Ai boto edhe një libër vitin e kaluar.
Kreu i dyshuar i grupit, Aomar Ait Khedache, i dërgoi një letër Kardashian, përmes të cilës i kërkonte falje, duke theksuar se ndjente keqardhje dhe e kuptonte se çfarë dëmi psikologjik i kishte shkaktuar asaj me veprimin e tij.
Në atë periudhë, zëdhënësi i Kardashin tha se Kim ishte shumë e tronditur, por fatmirësisht grabitësit nuk e kishin dhunuar fizikisht.
Top Channel
