Qytetarët e Vlorës i bashkohen peticionit për Mateon
18/11/2021 16:06
‘Krishti u ngjall’, besimtarët ortodoksë në të gjithë vendin kremtojnë Pashkën
05/05 00:47
Edhe qytetarët e Vlorës i janë bashkuar peticionit për Mateon e vogël të vrarë brutalisht nga 38-vjeçari Klodian Çalamani.
“I bëjmë thirrje Vlorës të na bashkohet, dhe kjo nuk bëhet vetëm për Mateon, po për të gjithë ata fëmijë që iu është marrë jeta padrejtësisht”, thotë një e afërme e familjes.
Përmes këtij peticioni familjarët synojnë dënimin me vdekje të 38-vjeçarit. Peticioni është firmosur dhe nga qytetarë të shumtë, të cilët të tronditur nga ngjarja e rëndë, kërkuan varjen e tij në mes të qytetit të Fierit.
Shqipëria e ka hequr dënimin me vdekje prej gati 3 dekadash tashmë. Ishte viti 1992 pikërisht në Fier, kur u ekzekutua për herë të fundit një dënim kapital, varje në mes të qytetit. Kishte 8 muaj që kishte ardhur demokracia dhe legjislacioni nuk kishte ndryshuar ende.
Top Channel
