VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Një infermiere e guximshme për të cilën thuhet se ‘humbi të gjithë pavarësinë e saj’ kur u detyrua të priste dy këmbët e një krah nga sepsis, është gjetur e vetëvrarur nga bashkëshorti i saj.
53 vjeçarja Jayne Carpenter mbeti vetëm me një gjymtyr kur një i ftohtë në vitin 2016 iu kthye në infeksionin thuajse fatal të sepsis neutropenik, i cili ndodh kur sistemi imunitar mbi-reagon duke shkatërruar indet e trupit.
Infermierja spitalore ishte detyruar të priste krahun e majtë poshtë bërrylit, dy këmbët poshtë gjurit dhe katër gishta të dorës së djathtë për të shpëtuar nga sëmundja.
Pak pas ngjarjes që i ndryshoi jetën, ajo kishte nisur një fushatë ndërgjegjësimi për rreziqet e sepsis.
Por rrjedhimisht humbja ishte tepër e madhe për t’u përballuar.
Para vdekjes Jayne kishte vazhduar të ecte apo të kërcente duke përdorur proteza të metalta këmbësh, por thoshte se ato i shkaktonin shumë dhimbje dhe infeksione, teksa përpiqej të mblidhte fonde për nje operacion transplanti gjymtyrësh që mund të zhvillohej vetëm në disa klinika te specializuara private.
Jayne para tragjedise
Në hetimet e ngjarjes u zbuluar se në ditën e vdekjes së Jayne më 7 dhjetor 2020, bashkëshorti i saj i 22 viteve Robert, 56 vjeç, i cili e përshkruante gruan e tij si ‘ylli më i shndritshëm’, ishte thirrur në shtëpinë e tyre në jug të Uellsit, ku e kishte gjetur të varur.
Në një postim të shpërndarë në rrjetet sociale burri i saj shkruante:
“Ajo kishte dhimbje të vazhdueshme dhe e dinte se nuk do të bëhej më mirë. Por pandemia dhe izolimi ishin pika e mbushjes, sepse ajo nuk mund të dilte, të kërcente të shoqërohej me të tjerë apo të bënte gjërat e motivonin përditë”.
Ai tregon se gruaja i kishte ofruar të largohej nga lidhja e tyre, por ai nuk kishte pranuar.
Një dëshmitar tha në gjyqin e vitit të kaluar se Robert e përshkruante gruan e tij të lumtur e të etur për të udhëtuar deri para ngjarjes së rëndë.
Jayne më pas vuante nga depresioni e dhimbjet kronike, ndërsa kishte marrë dy herë mbidozë drogash, pasi kufizimet e pandemisë e ndaluan të bënte gjërat që ajo pëlqente të bënte.
Para ngjarjes në 2016, infermierja kishte shkaur te mjeku i familjes për një kollë që besonte se ishte një i ftohur, para se gjendja të përkeqësohej shpejt dhe ajo të dërgohej në gjendje të rëndë në spital.
Atje ajo u diagnostikua me pneumoni dhe infektim sepsis të gjakut.
Teksa gangrena pushtonte gjymtyrët e saj doktorët vendosën të gjymtonin dy këmbët dhe një krah teksa tentonin t’i shpëtonin jetën.
Gruaja qëndroi për nëntë javë në koma dhe kur u zgjua për të parë gjendjen e saj, i tha bashkëshortit Robert: “Përse më le të jetoja?”
Në 2017, Jayne tha në një intervistë se nuk mund të lahej, të ushqehej apo të ecte, prandaj realiteti ishte “shumë i vështirë për t’u pranuar”.
Ajo tha për rrjetin Wales Online: “Nuk bëj dot një pije për vete, as nuk ulem dot, është e vështirë të pranosh këtë veten time të re. Jam një provë në jetë se askush nuk e di se çfarë mund të sjelle kthesa e radhës. Kisha qenë një person aq i pavarur, adhuroja stërvitjen dhe ecjet në plazh”, thoshte gruaja tragjike ne 2019.
Top Channel
