Arrestohen tre persona për organizim të paligjshëm të lojërave të fatit

Burimet nga policia thanë se si rezultat i kontrolleve, në Kamzë, janë konstatuar dhe arrestuar në kushtet e flagrancës shtetasit A. K, 20 vjeç, E. Sh, 27 vjeç dhe E. K, 27 vjeç

Po ashtu është proceduar penalisht edhe pronari i lokalit, shtetasi A. K, 29 vjeç, ku konstatuan tre shtetasit e arrestuar.

Mësohet se këta shtetas janë kapur në flagrancë në lokalin e shtetasit A. K, duke organizuar dhe ushtruar aktivitetin e paligjshëm të lotarive të palejuara (baste sportive), nëpërmjet aparateve të tyre celularë, të cilët u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Tiranë për veprime të mëtejshme proçeduriale.

Top Channel