VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Një baba në shtetin amerikan të Uashington është arrestuar për vrasjen e një burri për të cilin pretendon se i trafikoi seksualisht të bijën adoleshente.
60 vjeçari John Eisenman, është akuzuar për vrasje të gradës së parë pas vdekjes së 19-vjeçarit Andrew Sorensen, trupi i dekompozuar i të cilit u gjet në bagazhin e një makine më 22 tetor.
Policia tha se Eisenman kishte mësuar në tetor 2020 se bija e tij minorene ishte trafikuar te një bandë e trafikut të seksit, në dukje nga Sorensen, që ishte asokohe i dashuri i saj.
Babai kishte arritur ta shpëtonte të bijën dhe ta kthente në Spokane, tha policia.
Një muaj më vonë burri ishte konfrontuar me Sorensen të cilin e kishte lidhur, marrë peng dhe futur në bagazhin e makinës.
“Eisenman kishte sulmuar viktimën, duke e goditur në kokë me një bllok betoni dhe më pas me thikë”, thuhej në deklaratën e policisë.
Oficerët kishin zbuluar trupin e Sorensen kur rezidentët e Spokane raportuan për makinën e braktisur e cila qe mbushur me myk dhe lëshonte një erë të rëndë.
Mjeti i përkiste të fejuarës së Eisenman, Brenda Kross.
Pas marrjes në pyetje Eisenman ka pranuar se është konfrontuar me Sorensen nëntorin e kaluar dhe se e ka vrarë atë, sipas raportimeve.
Ai u arrestua fundjavën që shkoi dhe mbahet i burgosur në vijim të hetimeve.
Top Channel
