Ngec ekonomia gjermane! Tkurrje me 0.3 %, asnjë shtet tjetër i madh në këtë situatë
25/04 12:58
Një adoleshent që vrau me thikë dy motra në piknik në një park në veri të Londrës, duke besuar në një pakt satanik gjaku, është dënuar sot me 35 vjet burg nga gjykata.
19 vjeçari Danyal Hussein, zgjodhi rastësisht dhe qëlloi për vdekje Bibaa Henry e Nicole Smallman më 6 qershor të vitit të kaluar.
Në gjykatë u tha se ai kishte nisur një “fushatë hakmarrjeje” kundër grave, me të cilën besonte se do të fitonte një çmim te madh në llotari.
Policia e gjurmoi atë me anë të ADN-së si dhe zbuloi një letër të shkuar me dorë për një demon të quajtur “Mbreti Lucifuge Rofocale” e cila ishte nënshkruar me gjak dhe kërkonte vrasjen e gjashtë grave.
Hussein ka refuzuar të dëshmojë në gjyq duke thënë se nuk është përgjegjës për vrasjet dhe as për shkrimin e paktit.
Por ai u shpall fajtor për dy vrasjet e grave te pafajshme dhe u paraqit me lidhje video nga burgu u sigurisë së lartë për të mësuar dënimin.
Ai mori dy dënime me burgim të përjetshëm me një minimum prej 35 vjetësh prapa hekurave.
Avokati i tij Riel Karmy-Jones nuk kërkoi shtyrje të seancës megjithse raporti psikiatrik mundësonte të tjera vlerësime.
Gjykatësja Philippa Whipple tha se i akuzuari kishte vrarë brutalisht Nicole Smallman e Bibaa Henry paraditen e 6 qershorit me besimin se “gjaku do ta shperblente”.
“Ti i gjete në park këto dy gra të panjohura. I zure në befasi dhe i vrave me thikë. Tërhoqe trupat e tyre dhe i vendose në një pozë përqafimi duke i denigruar edhe në vdekje. Kjo shaktërroi jetën e tyre dhe familjarëve të tyre”.
“Jam e sigurtë që ti kreve këto vrasje si pjesë e pazarit tënd me Djallin për pushtet e pasuri, sado absurde mund të duket kjo për të gjithë ne”.
27 vjeçarja Nicole, e 46 vjeçarja Bibaa, ishin duke celebruar ditëlindjen e motrës së tyre më të madhe në Fryent Park në Wembley, në veri të Londrës, kur u sulmuan barbarisht.
Dokumente te gjetura ne dhomen e vrasesit
Hussein i kishte vëzhguar ato nga një gëmushë. Pasi të ftuarit e tjerë te piknikut ishin larguar, ai kishte sulmaur gratë me një thikë kuzhine duke vrarë fillimisht zonjushën Henry e më pas të motrën.
Kur motra më e re kishte rezistuar Hussein nisi një sulm barbar hakmarrjeje duke e qëlluar 29 herë me thikë, u tha në gjykatë.
Vrasësi më pas kishte tërhequr trupat e tyre duke i fshehur në një gëmushë dhe kishte pastruar mjetet e piknikut për të fshehur atë që kishte bërë.
Por gjatë sulmit vrasësi ishte prerë ne gisht dhe kishte pikuar gjak në trupin e viktimave.
Policia beson se Hussein do të kishte vrarë të tjera gra sikur të mos ishte plagosur në dorë.
Kontrolli në shtëpinë e vrasësit kishte zbuluar një libër me formula magjie, simbole diabolike dhe dy “pakte gjaku”.
Avokatja e vrasësit Karmy-Jones, tha se ai është një fëmijë me probleme të rënda psikologjike.
Top Channel
