Kultivim narkotikësh dhe mashtrim, dy të arrestuar në Fier
23/10/2021 09:54
U arrestua në Dubai, kush është “Dari i Elbasanit”/ Përplasjet me grupin e vëllezërve Alibej dhe lidhja me Nuredin Dumanin 22/05 18:46
Policia e Fierit ka vënë në pranga një 34 vjeçar të shpallur në kërkim për kultivim të bimëve narkotike, si dhe një 44 vjeçar i akuzuar për mashtrim.
Sipas uniformave blu shtetasi E.B. më qershor të 2021 është kapur duke kultivuar fidanë cannabis sativa në pyllin e fshatit Kryekuq, Divjakë.
“Në vijim të punës për lokalizimin dhe kapjen e personave të shpallur në kërkim, specialistët për Hetimin e Krimeve në Komisariatin e Policisë Divjakë ndaluan shtetasin E. B., 34 vjeç, banues në Kryekuq, Divjakë. Ndalimi i këtij shtetasi u bë pasi Gjykata e Shkallës së Parë Lushnjë, me vendimin e datës 20.10.2021, ka caktuar masën e sigurisë “Arrest me burg” për veprën penale “Kultivimi i bimëve narkotike”,pasi: Shërbimet e Policisë gjatë kontrollit të territorit, më datë 05.06.2021 në pyllin e fshatit Kryekuq, Divjakë kanë konstatuar të mbjellë fidanë cannabis sativa dhe nga hetimet rezultoi se autor i kultivimit të tyre dyshohet se është shtetasi E. B.
Specialistët e Seksionit për Hetimin e Krimit Ekonomik e Finanaciar në DVP Fier ndaluan shtetasin R. R., 44 vjeç, banues në Fier, pasi me anë të mashtrimit i ka marrë një sasi parash shtetasit A. T., 22 vjeç, banues në Fier.”, njofton policia.
Top Channel
