Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Gjykatësit në Kubë kanë dënuar dje më 10 vjet burg Roberto Pérez Fonseca, i cili protestonte kundër qeverisë në 11 korrik dhe bashkë me të tjerë grisi një imazh të liderit të ndjerë vendas Fidel Castro.
Tre gjykatësit e San José de las Lajas, pranë Havana, dënuan Pérez Fonseca prishje të rendit publik, nxitje në krim dhe sulm.
Dënimi është më i rëndi i dhënë në vendin ishullor për protestat e pazakonta anti-qeveritare të korrikut.
Dokumentet nuk përmendin pjesëmarrjen e Pérez Fonseca në grisjen e imazhit të Castros, por të afërmit e tij thanë se ky është motivi i vërtetë i vërdiktit ekstrem.
38 vjeçari Fonseca, baba i dy fëmijëve mbahet në burg që prej arrestimit të tij.
E përditshmja amerikane ‘Miami Herald’, tha se çështja kundër Fonseca bazohej vetëm në dëshminë e një oficeri vendas, Jorge Luis García Montero.
Avokatja e tij Laritza Diversent, tha: “Nuk janë respektuar rregullat e një procesi të plotë gjyqësor. Është vetëm fjala e tij kundër fjalës së një polici, dhe sipas ligjit kuban provat e krimit nuk mund të merren vetëm nga autoritetet”.
Grupi vendas i të drjtave Cubalex thotë se ka dokumentuar 1,124 arrestime në lidhje me protestat e korrikut.
“Ky është një dënim ekzemplar që kërkon të trembë popullatën, para marshimit të radhës të thirrur më 15 nëntor”, shtonin ata.
Top Channel
