Publikoi për 12 vjet foto intime të ish-partneres në rrjetet sociale, dënohet 55-vjeçari italian 19/10 08:30
Skema e ngjyrave
Madhësia e shkrimit
Një grua 21-vjeçare ka humbur jetën dhe dy persona të tjerë janë plagosur nga sulmet me raketa ruse ndaj Kievit gjatë natës nga e diela në të hënë, më 19 tetor.
Sulmet shkaktuan dëme në disa ndërtesa në kryeqytetin ukrainas, përfshirë një qendër mjekësore dhe një stacion metroje.
Lajmi u bë i ditur nga kryetari i bashkisë së Kievit, Vitali Klitschko, i cili raportoi për sulmet dhe pasojat e tyre përmes platformës Telegram.
Sipas tij, pak para mesnatës, sulmet ruse goditën dy zona të kryeqytetit, duke shkaktuar viktima dhe dëme materiale. Në lagjen Desnyansky, në pjesën verilindore të qytetit, u dëmtua një qendër mjekësore, ndërsa dëme u raportuan edhe në një ndërtesë në lagjen Dnipro.
Dëme edhe në një stacion metroje
Sulmet vijuan edhe në orët e para të mëngjesit të së hënës. Në një njoftim të mëvonshëm, Klitschko bëri të ditur se bombardimet kishin shkaktuar dëme edhe në një stacion metroje në Kiev.
Kryeqyteti ukrainas kaloi një tjetër natë nën sulmet ajrore ruse, ndërsa autoritetet vijuan të raportojnë për pasojat e bombardimeve.
Deri më tani, informacionet për viktimat dhe dëmet materiale bazohen në njoftimet e kryetarit të bashkisë së Kievit, Vitali Klitschko.
Top Channel
