Paloma iu rikthye sonte sërish rrëfimit të saj të pak ditëve më parë kur tregoi se bashkëshorti i saj ka luftuar një betejë shumë të vështirë, atë me alkoolin.

Në takimin me gazetaren të premten, partneri i saj, Alandy u shpreh  i lënduar që ajo riktheu një moment të vështirë të jetës së tyre teksa shtoi se deklarata e saj ishte pak më e ekzagjeruar seç duhet.

Pas shfaqjes, nuk munguan komentet e banorëve të tjerë lidhur me këtë situatë, teksa sonte Paloma u shpreh se ishte një moment dobësie.

Në një bashkëbisedim me Semin, Fifin dhe Beniadën ajo tha se iu mbushën sytë me lot kur pa të shoqin e lënduar.

“Unë nuk e kam mbajtur kot larg mediave dhe publikut historinë time. Ishte një moment dobësie dhe e thashë. Të betohem për gocën isha gati të dilja nga shtëpia sepse ndihesha keq për bashkëshortin. Kur e pashë të lënduar mu mbushën sytë me lot!”- rrëfeu ajo.

Megjithatë, në fund tha se historia e saj mund të shërbejë si burim frymëzimi për shumë familje të tjera.

Top Channel