Fieri i jep fund problematikës disa vjeçare të mbetjeve urbane.
Këtë të dielë ka nisur nga puna stacioni i transferimit të mbetjeve, një pikë grumbullimi e cila do të kompresojë mbetjet e më pas i dërgon ato drejt inceneratorit.
Paralel me këtë proces është bërë edhe një studim në fushën e mbetjeve në Mbrostar, e mbyllur tashmë, për të parë mundësinë e transformimit të saj dhe mbjelljen e të gjithë sipërfaqes me pemë.
Fusha e mbetjeve në Fier u përfshi nga flakët pak kohë më parë, çka e detyroi bashkinë e Fierit ta mbyllte përfundimisht atë duke dërguar mbetjet drejt inceneratorit të ri.
Fieri dhe 9 njësitë prodhojnë më shumë se 160 ton mbetje në 24 ore të cilat do të grumbullohen në këtë pikë e më pas do të dërgohen drejt inceneratorit.
Top Channel