Pakistan/ Ushtria urdhërohet të qëllojë menjëherë, mbështetësit e Khanit përplasen me policinë 26/11 09:21
Marina ruse tha sot se dislokoi mjetet detare për të dëbuar luftanijen raketore amerikane USS Chafee, e cila sipas Moskës shkeli kufijtë detarë duke hyrë në ujëra “të mbyllura” për manovrat detare.
Krerët e marinës thanë se mjeti gjigant i flotës amerikane të Paqësorit tentoi të hynte në ujërat territoriale ruse të Lindjes së Largët, para se të devijonte kurs me afrimin e nëndetëses raketore ruse “Admiral Tributs.”
“Pas marrjes së paralajmërimit Chafee, në vend që të ndryshonte kurs për t’u larguar nga zona e mbyllur, ngriti flamurët e sinjalizimit të ngritjes së një helikopteri nga kuverta e saj, që do të thotë se nuk mund të ndryshonte kursin dhe shpejtësinë në atë moment,” shkruante ministria ruse e mbrojtjes.
“Por pasi Chafee pa vendosmërinë e ekuipazhit rus për të mos lejuar shkeljen e kufijve ndryshoi kurs në një largësi prej rreth 60 m nga nëndetësja Admiral Tributs. Veprimet e ekuipazhit të SHBA ishin një shkelje e praktikave të sigurta detare për parandalimin incidneteve detare e ajrore”, shkruante më tej Moska.
Incidenti është i ngjashëm me atë të nëntorit të shkuar kur luftanija amerikane USS John Mccain hyri në ujërat e Gjirit Peteri i Madh, sipas Moskës, dhe u paralajëmrua nga frigata raketore ruse ‘Admiral Vinogradov’, deri në ndryshimin e kursit.
Top Channel
