Befasi në Champions, Barcelona me një lojtar më pak, përmbyset nga PSG! Dortmund surprizon Atleticon 16/04 22:15
Gjysmë miliard vjet më parë, oqeanet ishin mbushur me forma jetë që dukeshin më shumë si aliene sesa si kafshët detare që njohim sot.
Studiuesit kanë zbuluar së fundi fosilin e një krijese të pazakontë që ka të ngjarë të ishte një gjigant në krahasim me jetën e vogël të oqeanit të asaj kohe. Radiodontët, një grup artropodësh primitivë, u përhapën pas shpërthimit Cambrian 541 milion vjet më parë – kohe kjo, kur një mori organizmash u shfaqën papritmas në Tokë, thotë CNN.
Fosili i porsazbuluar i përkiste Titanokorys Gainesi, një radiodont që arrinte gjysmë metri gjatësi, e qe ishte shumë i madh në krahasim me krijesat e tjera të oqeanit te cilat arrinin madhësinë e gishtit. Fosili u gjet në shkëmbinjtë Cambrian të Parku Kombëtar Kootenay, në Kanada. Përmasat e kësaj krijese konsiderohen befasuese, thuhet në studimin e botuar në revistën Royal Society Open Science dhe e bëjnë atë një ndër më të mëdhatë e asaj periudhe.
Ajo kishte sy të mëdhenj, me një forme anësore si ananas e një gojë të mbushur me dhëmbë, si dhe të dala si gjemba në pjesën e kokës për të kapur prenë. Kokën ia mbronte një mbulesë mbrojtëse, si guaska e një gaforreje apo breshke. Fosilet do të ekspozohen në një galeri të re të Muzeut Mbretëror të Ontarios nga muaji dhjetor.
Top Channel
