Trendi i ri i tatuazheve/ Studenti gdhend në lëkurë QR kodin e pasaportës së gjelbër

23/08/2021 16:10

Një student italian vendosi të krijojë “trendin më të ri të tatuazheve”.

Andrea Colonnetta, student në universitetin Reggio Calabria kopjoi QR kodin e pasaportës së gjelbër dhe e vendosi si tatuazh në krahun e tij.

Andrea e ndau këtë eksperiencë të veçantë në Tgcom, ku tregoi se kodi funksionon vërtet. Kështu, atij nuk i duhet të nxjerrë dokumentin që vërteton se është vaksinuar ndaj Covid 19, por thjesht të “skanojë krahun”, për të hyrë në bare e restorante.

Ideja buron nga qëllimi për të memorizuar periudhën në të cilën po jetojmë, në një mënyrë unike“, shpjegon i riu që nuk pendohet për gjestin e bërë. Atyre që e pyesin se çfarë do të bëjë kur të skadojë pasaporta e vaksinimit, Andrea përgjigjet: “Nuk ka rëndësi, nuk e kam bërë tatuazh për dobinë e tij, por për atë që përfaqëson”.

Pasaporta e gjelbër po bëhet çelës i vetëm në shumë shtete perëndimore, prë të hyrë në lokale, restorante, muze dhe ambiente të tjera të mbyllura.

FOTO GALERI
1/9

Top Channel