Vitrina e Librit/ Brixhërtonët -Unë dhe Duka (Julia Quinn)

15/08/2021 18:57

Vjen më në fund vëllimi i parë i serisë Brixhertonët, – një romancë historike befasuese e cila ka fituar zemrat e miliona lexuesve: Së fundi kjo vepër është bërë film nga Netflix, pasi pasqyron thellësisht raportet mes shtresave të shoqërisë njerëzore dhe pasionet e tyre të cilat i kapërcejnë rregullat dhe kastat.

Në sallat e ballove dhe ato të pikturës në Londrën e viteve 1800, rregullat qëndrojnë përmbi gjithçka. Fëmijët e aristokratëve mësojnë qysh në djep se si t’i drejtohen një konti apo se si të sillen para një princi. Një dukë i mirë duhet të jetë natyrë perandorake dhe distante. Një vajzë e re, në moshë për t’u martuar, duhet të jetë e përzemërt, por jo më shumë nga ç’duhet…
Dafne Brixhërton ka dështuar gjithmonë në këtë të fundit. Fëmija i katërt nga tetë në familjen e saj të bukur, ajo ka bërë miq djemtë më të mirë të Londrës. Të gjithë e vlerësojnë dashamirësinë dhe zgjuarsinë e saj, por askush nuk e dëshiron si grua. Përzemërsia nuk është tipar dallues i Simon Basetit, dukës së Hastingsit. I kthyer së fundmi në Londër, ai ka vendosur të mos martohet kurrë, por një takim me motrën e shokut të tij të ngushtë, e lëkund vendosmërinë e tij. Bashkë thurin një plan të përsosur për t’u shpëtuar detyrimeve shoqërore.
Fillimisht gjithçka shkon mirë, por mes shkëlqimit dhe thashethemeve të elitës së Londrës, vetëm një gjë mund të jetë e sigurt: dashuria nuk njeh rregulla…

Detaje të librit
Shtëpia Botuese Living

ISBN 9789928338112

Viti i botimit 2021
Përkthyes Xhimi Lazri
Gjinia Roman & Sagë Histori

Top Channel