Policia gjermane largon protestuesit propalestinezë nga Universiteti i Berlinit 07/05 18:46
Një sulm me armë ka tronditur Anglinë pasi një person vrau pesë qytetarë dhe më pas veten.
Jake Davison , është autori i sulmit në Plymouth, të cilin autoritetet e konsiderojnë si më të rëndët që nga viti 2010, ndërsa specifikojnë se ngjarja nuk ka lidhje me terrorizmin.
Tre gra, një burrë dhe një fëmijë ishin mes viktimave që u qëlluan në zonën Keyham të qytetit të enjten në mbrëmje.
Katër persona vdiqën në vendngjarje dhe një vdiq më vonë në spital, sqaron policia në deklaratën për ngjarjen.
Zëdhënësi i policisë Luke Pollard shtoi se ishte “tmerrësisht e dhimbshme” fakti se një nga të vrarët ishte fëmijë.
Ndërkohë një dëshmitare okulare tregoi se së pari, kishte britma, të ndjekura nga të shtëna armësh me pas.
Autoritetet ndërkohë u kanë kërkuar njerëzve të qëndrojnë brenda dhe të ndjekin këshillat e policisë .
Top Channel
