Dy ‘çifte’ marrin 20 goditje thuprash bambuje për marrëdhënie jashtë martese, sipas ligjit strikt Sharia në Indonezi (fotot)
25/04 15:23
Ambasadori i Bashkimit Europian në Serbi, Sem Fabrizi, e bëri të qartë se dialogu mes Serbisë dhe Kosovës është një element kyç për anëtarësimin e Serbisë në Bashkimin Europian.“Raundi i fundit i dialogut mund të ketë qenë më i vështiri nga të vështirët.
Të dyja palët duhet t’i përkushtohen atij. Dialogu është një element kyç për stabilitetin rajonal dhe pranimin e Serbisë në BE. Ka interes të madh që dialogu të ketë sukses dhe BE-ja po bën të pamundurën për këtë”, tha Fabrizi për Radio-Televizionin e Serbisë.Raundi i fundit i bisedimeve midis kryeministrit të Kosovës, Albin Kurti, dhe presidentit të Serbisë, Aleksandar Vuçiq, u zhvillua në 19 korrik në Bruksel me ndërmjetesimin e BE-së.
Palët akuzuan njëra-tjetrën për mungesë të vullnetit që procesi të ecë përpara.Megjithatë, ato u pajtuan që t’i vazhdojnë bisedimet në shtator. Fabrizi tha se kushtet që Brukseli ia ka vënë Serbisë për anëtarësim në BE, janë konstante dhe nuk ndryshojnë.“Dihet se për çfarë bëhet fjalë – dialogu me Prishtinën, sundimi i ligjit, reformat ekonomike, prokurimi publik, subvencionet, ndihma shtetërore janë gjëra për të cilat duhet të punohet”, u shpreh ai.Serbia ka hapur disa kapituj të negociatave për anëtarësim në BE.
Nga vendet e tjera të Ballkanit Perëndimor, negociatat e anëtarësimit i ka hapur edhe Mali i Zi. Maqedonia e Veriut dhe Shqipëria mbeten në pritje të nisjes së këtyre negociatave, ndërsa Kosova dhe Bosnje e Hercegovina kanë vetëm marrëveshje stabilizim asociimi me BE-në – që është hapi i parë drejt anëtarësimit në bllok.
Top Channel
