Protesta e bizneseve vazhdon që prej mbrëmjes së djeshme në lokalet e Vlorës.
Ata kanë ndezur qirinj në anë të lokaleve si dhe kanë vendosur shiritin e bllokimit të hyrjes.
Po ashtu siç shihet në pamje në disa nga pemët në zonë janë vendosur disa fletë ku shkruhet “Rroga e administratës paguhet nga taksat tona”, “mos na prekni klientët” etj.
Dhjetëra bare dhe restorante nuk u hapën për turistët sot në Vlorë me moton “muzika nuk shpërndan Covid”.
Ata protestojnë kundër kufizimeve dhe sjelljes agresive të policisë. Një natë më parë disa nga administratorët e lokaleve u shoqëruan nga policia, pasi kundërshtuan efektivët e policisë dhe në shenjë proteste vendosën himnin kombëtar në lokale.
Top Channel
