Zëvendës Kryeministri i Malit të Zi, Dritan Abazoviç në një vizitë zyrtare në Tiranë është takuar edhe me kryeministrin Edi Rama, ndërsa në orët në vijim pritet të ketë takime edhe me zyrtarë të tjerë si kreu i opozitës Lulzim Basha.
Po ashtu Abazoviç gjeti mundësinë të diskutonte me Denis Dyrnjanë në emisionin Top Talk, në Top Channel ku foli edhe për çfarë ka diskutuar me numrin një të qeverisë.
ZV.kryeministri Abazoviç tha se tre kanë qenë temat kryesore që janë diskutuar me kryeministrin Edi Rama, mes tyre është edhe krijimi i një urë nga Velipoja në Ulqin që do t’i jepte më shumë zhvillim të dyja vendeve.
Abazoviç: Kjo ishte vizita e parë zyrtare e qeverisë së re në Shqipëri. Me kryeministrin Edi Rama kemi biseduar gjëra konkrete dhe kemi fol shumë bukur dhe se një pjesë e këtyre gjërave të realizohen do ishte një punë shumë e madhe dhe e mirë.
Tre projekte për infrastrukturën kemi diskutuar me kryeministrin, trendi i hekurudhës Dors-Podgoricë, autostrada Korridori Blu. Kjo është një gjë çfarë kemi për të aplikuar bashkë dhe e treta një urë që do lidhë Velipojën dhe Ulqinin, të jetë e gjerë sa është e gjithë Buna. T’i bëjmë këto të dyja një zonë e madhe turistike. Rama ka treguar një gatishmëri të jashtëzakonshme.
Top Channel
