Doli hapur kundër qeverisë në këngët e tij, dënohet me vdekje reperi iranian! U torturua dhe u izolua për 252 ditë 26/04 08:55
Një bilanc dramatik i cili pritet të rritet , është regjistruar në Gjermani si pasojë e përmbytjeve katastrofike që vendi ka parë ndonjëherë.
Viktimat tani llogariten me qindra, e ndërsa akoma më i rëndë është edhe numri i të zhdukurve, 1300 të tillë.
Landet gjermane Rajnland Falc dhe Nordrajn Vesthalen janë më të goditurat, por Belgjika dhe Holanda janë prekur gjithashtu keq, ndërsa përmbytje ka edhe në Luksemburg dhe Zvicër.
Pamjet nga ajri tregojnë përmasat e katastrofës .
Ndërkohë Kancelarja gjermane Angela Merkel, e cila ndodhet për një vizitë në Uashington i përshkroi përmbytjet vdekjeprurëse si një “katastrofë”.
“Këtu në Uashington, mendimet e mia janë gjithmonë me njerëzit në atdheun tonë. Vendet tona po kalojnë një katastrofë në këto orë, mund të thuhet një tragjedi. Reshjet e mëdha të shiut dhe përmbytjet janë fjalë shumë të papërshtatshme për ta përshkruar këtë – prandaj është me të vërtetë një katastrofë. Unë jam e trishtuar për ata që kanë humbur jetën në këtë katastrofë – ne nuk i dimë ende shifrat ekzakte por do të ketë më shumë,” shtoi ajo.
Ndërkohë në operacionet e kërkim shpëtimit janë duke marrë pjesë rreth 15,000 policë, ushtarë dhe punonjës të shërbimit të urgjencë.
Helikopterët kanë nxjerrë banorët e bllokuar nga majat e çative, ndërsa tanket po pastrojnë rrugët nga pemët dhe mbeturinat e rëna.
Ekspertët thonë se ndryshimi i klimës pritet të rrisë frekuencën e ngjarjeve ekstreme të motit, por lidhja e çdo ngjarjeje të vetme me ngrohjen globale është e ndërlikuar.
Top Channel
