Të paktën një person ka humbur jetën dhe tetë të tjerë janë plagosur, si pasojë e shembjes së ndërtesës 12 katëshe në Miami.
Imazhet nga Surfside, në veri të Miami Beach, tregojnë ndërtesën të shkatërruar pjesërisht, ndërkohë që vijon operacioni i kërkim-shpëtimit, pasi mendohet që persona të tjerë mund të kenë ngecur nën rrënoja.
Mediat e huaja raportojnë se ngjarja ka ndodhur në orën 01:20 në rrethana ende të paqarta, ndërsa dëshmitarët raportojnë se kanë dëgjuar zëra të njerëzve të bllokuar nën rrënoja.
Një dëshmitar i cili po qëndronte në ishullin e Floridës së bashku me familjen e tij, ndodhej në ndërtesën pranë dymbëdhjetë katëshit që u shemb, dhe tha se në kohën që ndodhi shembja dukej dhe ndjehej si një tornado ose si tërmet, raporton Fox News.
“Ishte gjëja më e çmendur që kam dëgjuar jetën time”, u shpreh ai.
Top Channel
