Nga planet për fëmijë tek… Shqipja dhe Bledi flasin si burrë dhe grua! Kush thotë më shumë ‘të dua’? 25/11 11:05
Papagallët e rrallë e të rrezikuar alpin të Zelandës së Re duket se kanë marrë malet për t’iu shmangur njerëzve. Studiuesit thonë se aftësitë e tyre të përshtatjes mund t’i ndihmojnë t’i mbijetojnë krizës së klimës.
Kea konsiderohet si i vetmi papagall alpin në botë, por shkencëtarët që analizojnë ADN-në dhe të dhënat fosile kanë zbuluar se ata jetojnë edhe në pjesë të tjera të botës.
Lajmi per zhvendosjen e tyreështë një goditje per statusin unik të papagallit alpin, por mund të jetë dhe njëfarë shpëtimi për zogun e rrezikuar, duke e bërë më të aftë kean për t’i mbijetuar humbjes së habitatit apo rritjes së konkurrencës nga specie te tjera.
Si një zog specialist alpin, kea është më shumë i ndjeshëm ndaj krizës së klimës. Me ngrohjen e planetit zvogëlohen dhe ambjentet alpine, duke bërë që të vërshojnë ne territor krijesat e zonave më të ulëta, ndërsa ato që janë përshtatur për kushte alpine të kërcënohen me zhdukje.
Profesor Michael Knapp, një nga autorët e studimit, tha: “Fiziologjikisht nuk ka asgjë që të ndalojë kean të mbijetojë në zona më të ulëta, ai mbijeton nga niveli i detit deri në atë alpin”.
Ai shton se idea se kea është zhvendosur qëllimisht për të shmangur njerëzit, mund të jetë e ekzagjeruar pasi nuk ka informacion për të përcaktuar shkaqet e përplasjes me popullatat civile.
Por kea në Zelandën e Re ka enë në konflikt edhe më parë me njerëzit. Ata njihet qe janë zogj inteligjentë, çapkënë dhe kuriozë.
Gjatë viteve ata kanë qenë shpesh në qendër të vëmendjes për “bastisje” të çantave të turistëve, në një prej të cilave një skocezi i morën pasaportën. Disa fermerë kanë raportuar qingja të vrarë prej tyre, aq sa deri në vitin 1970 ka pasur shpërblime zyrtare për vrasjen e tyre. Sipas shifrave zyrtare rreth 100,000 kea janë vrarë për shpërblimet dhe tashme rreth 3000-7000 zogj të tillë kanë mbetur në vend.
Top Channel
