Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Numri i personave që kanë humbur jetn nga koronavirusi në Indi ka kaluar shifrën 300 mijë. Ekspertët paralajmërojnë se shifra reale e viktimave mund të jetë shumë më e madhe, pasi shumë vdekje nuk janë raportuar zyrtarisht.
BBC raporton se India ka regjistruar 26 milionë raste, vendi i dytë pas Shteteve të Bashkuara dhe tani është epiqendër e pandemisë globale. Ky shtet po ashtu është i treti në botë që ka regjistruar më shumë se 300 mijë viktima, pas SHBA-së dhe Brazilit.
Vala e dytë e pandemisë ka mbingarkuar sistemin shëndetësor të këtij shteti, pasi spitalet me vështirësi janë përballur me fluksin e pacientëve dhe mungesën e oksigjenit.
Në disa zona edhe krematoriumet (vendet ku digjen viktimat) kanë qenë të mbushura dhe njerëzit kanë qenë të detyruar të krijojnë krematoriume të improvizuara nëpër parqe, për familjarët e tyre.
Aktualisht, as shkalla e vaksinimit nuk është duke shënuar përparim të madh në Indi, çka do të mund të ndikonte në lehtësim të krizës.
Top Channel
