Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Sipas raportimeve nga Brazili, një burri iu prenë testikujt dhe penisi, të cilat më pas iu hodhën për të ngrënë derrave të egër, pasi kishte tentuar të përdhunonte mbesën e tij.
36-vjeçari i paidentifikuar nga rajoni Minas Gerais mori dënimin nga i dashuri dhe kushëriri i vajzës, pas akuzave te vajzes se e kishte sulmuar kur kishte qenë i pirë.
Dy të dyshuarit janë arrestuar tashmë nga policia, ndërsa viktima u dërgua në spital me plagë të tmerrshme.
Sipas raportimeve, burri kishte konsumuar alkool në qytezën e Olhos D’Agua dhe tentoi të sulmonte seksualisht mbesën e tij.
Vajza kishte arritur të luftonte avancimet e tij dhe u largua nga vendngjarja, ndërsa i akuzuari kishte shkuar në shtëpinë e tij dhe kishte rënë në gjumë.
Por në vend që të njoftonin policinë, kur mesuan per ngjarjen, i dashuri i 20-vjeçares dhe kushëriri i saj kishin shkuar për të marrë hak sipas mënyrës së tyre. Ata i kishin kërkuar burrit të bashkohej me ta për të shkuar në një fushë kallamsheqeri, ku “do të kastronin ca derra”.
Burri iu bashkua dy të njohurve të tij, të cilët e sulmuan dhe pas rrahjes barbare e zhveshën e i prenë penisin dhe testikujt.
Kur u zgjua prej plagëve, burri i tmerruar arriti të shkonte në shtëpi ku dha alarmin.
Ai u dërgua në spital rreth 50 kilometra larg në Olhos D’Agua ku mjekët e shokuar arritën të ndalonin gjakderdhjen e të shpëtonin jetën e tij.
Kirurgët më pas thanë se kishin rindërtuar kanalin e tij urinar por nuk arritën të zëvendësonin pjesët e humbura.
Një oficer vendas policie tha se autoritetet kishin kërkuar për organet e prera të burrit, por nuk i gjetën dhe besonin se ishin ngrënë nga derrat e egër.
Kirurgu Felipe Lobo, i cili operoi burrin, tha: “Ishte diçka e ngjashme me skenat nga romanet e Dantes.
“Penisi i tij dhe e gjithë pjesa e mesit të këmbëve ishte gjymtuar dhe organet gjenitale mungonin. Ajo që mund të bënim ishte vetëm ndalimi i gjakderdhjes, dhënia e një transfuzioni gjaku dhe pastrimi i plagëve”.
Policia është ende duke hetuar ngjarjen.
Top Channel
