Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Egjipti ka vendosur nën sekuestro transportuesen gjigante që bllokoi për një javë Kanalin e Suezit, deri sa pronarët japonezë të saj të paguajnë 900milionë dollarë të pretenduara si dëmshpërblim.
Një nga kompanitë siguruese të Ever Given, grupi britanik ‘UK Club’, tha se autoritetet e Kanalit të Suezit kishin refuzuar ofertat e tyre për zgjidhjen.
Në pretendimet e dëmshpërblimit përveç të tjerave përfshiheshin $300 milionë bonusin e punës për çlirimit të anijes dhe $300m për prishje të reputacionit, që konsieroheshin shuma tepër të mëdha nga agjencitë e përfshira.
Aktualisht transportuesja Ever Given është ankoruar në Liqenin e Madh të Hidhur, në Kanalin e Suezit.
Mjeti 400m-i gjatë ngeci në mënyrë diagonale në kalimin e rëndësishëm ujor më 23 mars, për t’u çliruar vetëm pas gjashtë ditësh dhe operacioneve të shumëfishta të shpëtimit.
Më shumë se 400 anije ishin bllokuar para e prapa saj në pritje të kalimit në kanalin 193km që lidh detin Mesdhe me detin e Kuq.
Përfaqësuesi i autoritetit të Kanalit të Suezit, Osama Rabie tha dje se Ever Given ishte “ndaluar prej dështimit në pagesën e $900min” dëmshpërblim, sipas mediave vendase.
Shifra ishte bazuar në “dëmet e pësuara nga bllokimi i mjetit dhe kostot e mirëmbajtjes”, shtonte ai.
Top Channel
