Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Numri i rasteve me koronavirusin e ri (COVID-19) në Afrikë ka shkuar mbi 4 milionë e 250 mijë.
Sipas “Worldometer”, e cila përpilon informacionet më të fundit mbi pandeminë, numri i rasteve në gjithë kontinentin është rritur në 4.252.727. Numri i të shëruarve në kontinent ka shkuar në 3.814.977 ndërsa numri i viktimave në 113.055.
Shifra më e madhe e rasteve në kontinent është regjistruar në Republikën e Afrikës së Jugut, Marok, Tunizi, Etiopi, Egjipt dhe Nigeri. Ndërkohë numri më i madh i vdekjeve është regjistruar në Republikën e Afrikës së Jugut dhe në Egjipt. Unioni Afrikan më 29 mars nënshkroi një marrëveshje me kompaninë Johnson & Johnson për 220 milionë doza të vaksinës.
Unioni synon të vaksinojë 60 për qind të rreth 1.3 miliardë personave në kontinent për të arritur imunitetin e tufës. Në kuadër të Programit Global të Qasjes në Vaksina COVID-19 (COVAX), në Afrikë janë dërguar vaksina kundër COVID-19 në mbi 45 vende./AA
Top Channel
