Blinken takohet me presidentin kinez Xi Jinping: SHBA dhe Kina duhet të jenë vende partnere dhe jo rivale 26/04 11:25
Marc Feren Claude Biart u zbulua pasi nuk kishte fshehur tatuazhet e tij të veçanta në pamje.
Një mafioz në arrati është kapur së fundmi në ishujt e Karaibeve pasi shfaqej në disa video gatimi të publikuara në YouTube ku fshihte fytyrën por jo tatuazhet e tij personale.
53 vjeçari Marc Feren Claude Biart, kishte nisur një jetë të re të qetë në Boca Chica, në republikën Domenikane, me një komunitet italianësh që e konsideronin atë “të huaj”, tha sot policia vendase në deklaratën e saj.
Në pamjet e YouTube ai shpaloste aftësitë e gatimit sipas kuzhinës italiane. Videot nuk e tregonin kurrë fytyrën e tij por tatuazhet në trup e tradhtuan, thanë autoritetet.
Biart ishte në arrati prej vitit 2014, kur prokuroria italiane dha urdhrin për arrestimin e tij për trafik kokaine në Holandë për llogari të klanit mafioz Cacciola, pjesë e organizatës kriminale Ndrangheta.
Ndërkohë një tjetër gangster i ‘Ndrangheta’ u arrestua sot në Portugali. Francesco Pelle, në arrati prej 14 vitesh, konsiderohej si një mafiozët italianë më të rrezikshëm, por u zbulua në të dhënat e një klinike në Lisbonë, ku po merrte trajtim për Covid-19.
Pelle ishte pjesë e grupit “Pelle’ndrina” në Kalabri dhe ishte hallkë kyçe e konfliktit mes familjeve mafioze Pelle-Romeo dhe Nirta-Strangio, që kishte nisur në qytezën e San Luca dhe shkaktoi vrasjen famëkeqe të gjashtë italianëve në qytetin gjerman të Duisburg në 2007.
Pelle akuzohet për vrasjen e Giovanni Nirta, kreu i klanit rival i mbijetoi sulmit, në të cilin u vra bashkëshortja e tij Maria Strangio. Katër njerëz të tjerë u plagosën në atentat.
Në 2019, policia arrestoi një mafioz të organziatës Camorra, Marco Di Lauro, në apartamentin e tij në periferi të Napolit. Di Lauro, në arrati prej 14, ishte përfshirë në një konflikt vrasës me klanin rival Camorra në mesin e viteve 2000.
Ndrangheta me bazë në Kalabri, ‘në majën e çizmes’ së hartës së Italisë, konsiderohet si një nga sindikatat më të rrezikshme të krimit dhe kontrollon shumicën e kokainës që hyn në Evropë.
Ajo ka zgjeruar kontrollin e saj dekadat e fundit duke tejkaluar edhe mafian siçiliane Cosa Nostra.
Top Channel
Top News/ Putin ka frikë nga sulmet e Ukrainës/ Anulon paradat ushtarake të 9 majit në gjithë Rusinë
Top News/Britania:Ukraina të sulmojë në tokë ruse! Vijnë armët e reja, të shtohen sulmet tej kufirit
