Klandestinët me not drejt anijeve/ Durrës, si largohen drejt Italisë ata që vijnë nga Lindja e Mesme
04/03/2021 15:15
Ra në kontakt me energjinë elektrike, ndërron jetë 45 vjeçari në Lezhë
23/04 22:17
Top Channel, pati akses në një prej aksioneve të përditshme të Portit të Durrësit, në garantimin e sigurisë që tenton të thyhet çdo mbrëmje nga emigrantë të lindjes së mesme, të cilët duan të shkojnë në Itali.
Ora shënon 20 e mbrëmjes. Ky është një prej momenteve që përzgjidhet nga ata që duan të cenojnë sigurinë e portit për tu fshehur më pas në kamionët që do të embargohen në tragetet që do të shkojnë drejt vendit fqinj.
Mbrëmjen e së mërkurës, forcat e sigurisë së portit të Durrësit ndaluan një emigrant nga Siria, Zoher Harish. Ai sapo kishte kaluar hekurat rrethues, kur u pikas nga kamerat e sigurisë.
-Sa kohë keni këtu në Shqipëri? Sa muaj?
“ Kam vetëm pesë ditë. Kam ardhur në këmbë këtu. Kam ecur për ditë me radhë nga Turqia, Greqia dhe më pas në Shqipëri. Dua të iki tek familja ime që e kam në Itali. Kam mamin, babin, motrën, të gjithë atje. Dua thjesht që të hipi në traget që të shkoj tek ta. Nuk jam kriminel. Për disa muaj kam vuajtur shumë. Ja shikoje këtë shenjë operacioni që kam në bark. Më ka qëlluar policia greke përpara se të vija këtu”.
Top Channel ka siguruar disa video nga ndalimet e emigrantëve. Një tjetër metodë, krahas kalimit të mureve rrethues, është që ata përpiqen të notojnë. Këto janë disa nga momentet kur ata janë ndaluar.
Një pjesë e tyre, madje kanë përdorur edhe veshje polumbarësh, siç mund të shihet edhe nga fotot.
Vetëm vitin që shkoi, në Portin e Durrësit janë ndaluar mbi 1900 emigrantë të cilët kanë cenuar sigurinë, por që janë ndaluar. Disa prej tyre kanë qenë edhe përsëritës, në tentativën për të hipur nëpër tragete.
Top Channel
