Të shtëna me armë janë shënuar mbrëmjen e kaluar në qendër të Athinës, ku mbeti i plagosur një shqiptar.
Mediat greke bëjnë me dije se ai po mjekohet në spitalin “Kryqi i Kuq” ndërsa mbetet e paqartë si u godit. Pas kësaj ngjarje, dy emigrantë hipën në një taksi dhe nën kërcënimin e një arme e detyruan shoferin t’i çonte në stacionin e Larissa, ku ata u larguan, duke lënë një armë brenda automjetit.
Policia po përpiqet të marrë një deklaratë nga shoferi i taksisë, i cili pësoi krizë paniku dhe nuk është në gjendje të shpjegojë saktësisht se çfarë ka ndodhur, as se si arma u gjet brenda automjetit.
Ditën e djeshme, Top Channel raportoi se palët u konfliktuan verbalisht dhe në vazhdim njëri prej tyre nxori një pistoletë dhe e qëlloi në këmbë.
Dyshohet se sherri mes palëve ishte për pazare të prishura të drogës, pasi shqiptari është arrestuar disa herë për krime të lidhura me trafikun e drogës dhe vjedhjeve.
Forca të shumta policore nisën një operacion për gjetjen e autorëve nëpër rrugët e lagjes, por deri në orët e vona të mbrëmjes nuk u bë i mundur arrestimi i autorëve.
Top Channel
