Kontrollet për respektimin e masave anti Covid/ 917 gjoba në të gjithë vendin

906 qytetarë janë gjobitur me 3.000 lekë për mosmbajtje të maskës mbrojtëse.
Administratori i një biznesi privat është gjobitur me 1.000.000 lekë, pasi gjatë kontrollit, u se punonte në kundërshtim me rregullat.
Ndërsa 10 qytetarëve iu është vendosur gjoba me vlerë prej 10.000 lekësh secili, pasi janë konstatuar duke lëvizur në këmbë pas orës 20:00.

Policia bën thirrje për mbajtjen e maskën mbrojtëse në ambjentet e mbyllura dhe të hapura si dhe respektimin e masave që parashikonte ndalimin e përhapjes së koronavirusit.

Njoftimi i policisë:                                                Nuk zbatuan masat anticovid, ndëshkohen me masë administrative 917 qytetarë, 906 prej tyre për mosmbajtjen e maskës mbrojtëse.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, vijojnë kontrollet në të gjithë vendin, për të monitoruar zbatimin e masave për parandalimin e përhapjes së COVID-19.

Gjatë 24 orëve të fundit, Patrullat e Përgjithshme kanë evidentuar dhe ndëshkuar me masë administrative 3.000 lekë, 770 shtetas që janë konstatuar pa maskat mbrojtëse.

Shërbimet e Policisë Rrugore kanë ndëshkuar me të njëjtën masë administrative, 136 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjatë kontrolleve, shërbimet e Policisë kanë evidentuar dhe ndëshkuar me masë administrative 1.000.000 lekë, administratorin e një subjekti që është konstatuar duke ushtruar aktivitetin në kundërshtim me protokollet e sigurisë.

Gjithashtu, në të gjithë vendin janë ndëshkuar me masë administrative 10.000 lekë, 10 shtetas që janë konstatuar duke lëvizur në këmbë pas orës 20:00.

Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.

Top Channel