Skema e ‘mashtrimit’ me kreditë/ Prokuroria e Tiranës i kërkon SPAK-ut të hetojë guvernatorin Sejko, reagon Banka e Shqipërisë: Gati të japim sqarimet e duhura 03/05 23:26
Kryeministri Rama ndodhet në qarkun e Gjirokastrës ku prej mëngjesit ka realizuar disa takime por edhe ka dhënë lajmin se Përmeti është zgjedhur për investime në turizëm dhe agroturizëm nga një grup punë i dërguar atje me kërkesë të princit të kurores të emirateve të bashkuara arabe.
Intensifikimi investimeve rajonale, ishte krye-tema e bashkëbisedimit të kryeministrit Edi Rama me banorët e Gjirokastrës.
Rama tha se: Ne kemi bërë një marrëveshje me Turqinë për të investuar në mënyrë të konsiderueshem te objektet e trashëgimisë kulturore, ata kanë ndërhyrë në objektet e kultit, ajo që i’i kam kërkuar prej disa kohësh është që eksperienca e tyre në restaurimin e zonave historike dhe kapacitetet financiare janë në kushtet që të japin një dorë dhe këtu. Kemi rënë dakord për Beratin dhe Gjirokastrën të japin një dorë.
Kryeministri foli edhe për një projekt ambicioz investimesh në Përmet.
Sipas tij, grupi i ngarkuar nga Princi i Kurorës për këtë investim ka shprehur interes për të investuar në Përmet. Lidhet me disa faktorë. Kanë bërë një studim të rajoneve të vendit dhe sipas tyre Përmeti është një vend me potencial më të madh të turizmit nga dekada e ardhshme. Nuk bëhet fjalë për të bërë investime që cënojnë peisazhin apo natyrën, duan të investojnë në struktuar fermash, ku njerëzit të mund të vijnë të jenë në një zonë rurale dhe të ndërtojnë shtëpi, vila ndonjë hotel të vogël, por të gjitha të lidhura me fermën dhe kultivimin, paketës bujqësore të zonës dhe të gatimit.
Top Channel
