Rikthehen reshjet e borës në juglindje të vendit. Në fshatrat turistike të Dardhës dhe Voskopojës ka pasur reshje të dendura bore.
Sipas zyrtarëve të autoritetit lokal të rrugëve nacionale reshjet e borës në fshatin turistik të Dardhës janë intensive ndërsa trashësia ka shkuar deri më 6 cm.
Problem mbetet kilometri i 8 deri në kilometrin 14 ndërsa në terren ndodhen 2 borëpastruese.
Nga sektori i qarkullimit rrugor u bëhet thirrje të gjithë drejtuesve të mjeteve të cilët do t’i drejtohen fshatrave turistike të pajisen me gomat e dimrit si dhe me zinxhirë.
Përsa i përket qytetit prej mëngjesit të sotëm ka patur dhe vijon të ketë reshje shiu.
Top Channel
