Kuvendi miraton në parim Buxhetin 2027, 80 vota pro dhe 25 kundër pas debateve të forta mes mazhorancës dhe opozitës
Sot Kryeministri Edi Rama akuzoi presidentin Meta se po bllokon projektin për infrastrukturën në Vlorë-Orikum, e pas kësaj Presidenca i është përgjigjur kryeministrit dhe ka publikuar një shkresë duke theksuar se në disa raste Meta ka kërkuar informacione nga Ministria e Financave dhe ajo e Jashtme lidhur me marrëveshjen e huas me Fondin Saudit për Zhvillim.
“Nuk kemi dashur të bëjmë debat publik të politizuar për këtë por është fakt që qysh nga fillimi i nëntorit që presim plotfuqinë për një autorizim formal nga presidenti pasi kemi bërë gjithë negociatën me fondin Saudit dhe faktikisht është bllokim total sepse në momentin që nuk i jepet plotfuqia ne nuk e realizojmë dot.
Është një fond i konsiderueshëm për të zhvilluar projektin në dy drejtime. E para gjithë rehabilitimin dhe sistemimin e kësaj rruge që është deri poshtë në Radhimë dhe pastaj në Orikum plus rrugën tjetër sepse pjesën e Radhimës e kemi premtuar me kohë sepse do ta bëjmë duke futur elementë të lungomares”, tha Rama sot në Vlorë.
Ndërkohë sipas Presidencës, Meta jo vetëm nuk ka bllokuar punimet, por “ ka kërkuar informacion mbi arsyet pse nuk është respektuar procedura kushtetuese dhe ligjore për t’u pajisur me autorizim nga Kreu i Shtetit, për të negociuar termat financiarë të një marrëveshje huaje, që lidhet në emër të Republikës së Shqipërisë“.

Pas këtij reagimi të fundit Rama shkruan në Twitter se: Projekti gati, financimi gati, por ndërhyrja transformuese përgjatë segmentit Vlorë-Orikum dhe banorët, sipërmarrësit, turistët e asaj zone duhet të presin Ilir Metën!
Statusi nga Rama
Ilir Meta thotë se realizimi i një projekti të hartuar prej kohësh për infrastrukturën turistike të Vlorës qenka “qëllim selektiv elektoral”, prandaj ai e mbaka bllokuar prej muajsh autorizimin formal për marrjen e financimit të siguruar nga Fondi Saudit! Të qash e të qeshësh!
Projekti gati, financimi gati, por ndërhyrja transformuese përgjatë segmentit Vlorë-Orikum dhe banorët, sipërmarrësit, turistët e asaj zone duhet të presin Ilir Metën! Kam pritur me durim e do presim edhe pak që IM të lexojë sqarimet që i kemi nisur, para se të flasim me Vlorën!

Top Channel