Një aksident ka ndodhur në aksin rrugor Lezhë -Mamurras ,në afërsi të Laçit.
Mësohet se një automjet, pasi u përplas me trafikndarësen është përfshirë nga flakët.
Ndërkohë vetëm një nga tre personat që gjendeshin në makinën e drejtuar nga Enver Lika, ka mbetur i plagosur.
Luan Cakoni 38 vjeç ka marrë dëmtime në shpatull dhe është transportuar me urgjencë në spitalin e Traumës në Tiranë për ndihmë më të specializuar.
Burime bëjnë me dije se drejtuesi i automjetit tip Audi ka qenë me shpejtësi tepër të lartë.
Lezhë/Informacion paraprak
Në aksin rrugor Lezhë -Mamurras ,në afërsi të Laçit ,mjeti me drejtues shtetasin E.L.,37 vjeç, ka humbur kontrollin duke dalë nga rruga dhe është përplasur me trafikndarësen e për pasojë ka marrë flakë.
Nuk ka probleme për drejtuesin e mjetit shtetasin E.L., ndërsa shtetasi L.C.,i cili ishte pasagjer në këtë mjet ka marrë dëmtime të lehta dhe ndodhet në spitalin Rajonal Lezhë, nën kujdesin e mjekëve.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
Top Channel
