Gjysmëfinalet e Europa League/ Leverkusen “gjunjëzon” romakët në “Olimpico”, Atalanta barazon në Francë 02/05 22:55
Ditën e sotme, në mbledhjen e Komisionit Rregullator të Komisionit Qendror të Zgjedhjeve, epiqendra e bisedimeve ishte vendimi i KQZ-së për të kufizuar qeverinë, sa i takon dhënies së PPP-ve apo veprimtarive të tjera në periudhën parazgjedhore.
Kështu, nga e premtja e shkuar, qeveria e ka të ndaluar të japë kontrata koncesionare dhe PPP, vendim i marrë nga Komisioni Qendror i Zgjedhjeve për 4 muajt e ardhshme deri në datën e zgjedhjeve.
Por përfaqësuesja e PD-së në KQZ, Helga Vukaj deklaroi se ministrja e Infrastrukturës dhe Energjisë, Belinda Balluku, duke u kamufluar me fjalën “tender”, lancoi dje koncesione të tjera.
“Do doja të veçoja një lancim që sapo e dëgjova në disa media, i cili është pikënisje e një trumbetimi, një prej ministrave të kabinetit, që në kamuflimin e fjalës tender fsheh një koncesion ose lancon koncesione të reja. Palët nuk e kanë konsideruar aktin tonë. Duhet vëmendje nga komisioneri”, tha ajo.
Balluku foli për projektin e ndërtimit të rrugës Milot-Fier, për të cilën u shpreh se tenderi do të rihapet më 20 janar të vitit 2021.
Edhe përfaqësuesi tjetër i opozitës, Muharrem Çakaj tha se një prej deputetëve të PS-së, Bujar Çela, ka shpërndarë leje të legalizimit.
“Në datë 26 më ka ardhur një denoncim për një deputet që jep leje legalizimi. Jo më larg se dje, i njëjti deputet i PS-së, shpërndarjen e lejeve të legalizimit e ka kryer sërish”, tha Çakaj.
Top Channel
