Angela Merkel… multimilionere me botimin e kujtimeve! 26/11 09:27
Kanada ka njoftuar se bashkohet me vendet evropiane në ndalimin e fluturimeve nga Mbretëria e Bashkuar, për shkak të shqetësimeve, rreth një lloji të ri më infektues të koronavirusit, që përfshin pjesët e Anglisë.
Fluturimet nga Mbretëria e Bashkuar për në Kanada janë ndërprerë për një kohë të pacaktuar që nga mesnata, sipas një njoftimi nga Ministria e Transportit.
Masa erdhi ndërsa disa vende evropiane duke përfshirë Francën, Gjermaninë, Italinë, Austrinë dhe Turqia njoftuan pezullimin e fluturimeve nga Britania e Madhe mes lajmeve shqetësuese.
Organizata Botërore e Shëndetësisë (OBSH) gjithashtu u ka kërkuar vendeve evropiane që të dyfishojnë masat e tyre shëndetësore.
Të shtunën, kryeministri britanik, Boris Johnson, njoftoi kufizime të reja për shkak të llojit të ri të koronavirusit që përfshin Londrën, juglindjen dhe lindjen e Anglisë.
Rregullat e reja të nivelit 4 kërkojnë që banorët të qëndrojnë në shtëpi përveç përjashtimeve të kufizuara dhe që dyqanet jo-thelbësore, palestrat në hapësira të mbyllura, objektet e kohës së lirë dhe shërbimet e kujdesit personal duhet të mbyllen, ndërsa njerëzit duhet të punojnë nga shtëpia nëse munden deri në rishikimin e ardhshëm më 30 dhjetor.
Top Channel
