Urdhër arresti për Netanyahun? Pritet vendimi i Gjykatës Ndërkombëtare Penale 01/05 10:10
Qeveria e Italisë do të duhet të vendosë kufizime të reja gjatë sezonit të festave për të frenuar përhapjen e virusit dhe për të shmangur një valë të tretë, shkatërruese të koronavirusit, ka thënë kryeministri në një intervistë të botuar të martën.
“Më tej, tani nevojiten kufizime të reja… ne duhet të shmangim me çdo kusht një valë të tretë, sepse kjo do të ishte shkatërruese, gjithashtu nga pikëpamja e humbjes së jetëve”, citohet të ketë thënë Giuseppe Conte për “La Stampa”.
Sipas “Reuters”, qeveria e koalicionit të Conte-s po konsideron rregulla më të rrepta në mbarë vendin për festat e Krishtlindjeve dhe Vitit të Ri, pasi turmat u dyndën në qendrat e qyteteve gjatë fundjavës menjëherë, duke qenë se Roma kishte zbutur disa kufizime të vendosura muajin e kaluar.
Italia është kombi evropian me numrin më të lartë të vdekjeve, me më shumë se 65,000 njerëz që ndërruan jetë, që nga shpërthimi i pandemisë në shkurt.
Conte ka thënë gjithashtu se një fushatë vaksinimi do të duhej të synonte rreth 10 milionë deri në 15 milionë njerëz në mënyrë që “të kishte një ndikim efektiv në imunitetin” dhe se një qëllim i tillë do të arrihej në fund të pranverës ose më së voni para verës.
Top Channel
