Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Autori
Të shtëna me armë zjarri ndodhën në një ceremoni Krishtlindjesh në një katedrale në NewYork pasditen e së djelës, ku autori mbeti i vrarë.
Sipas medieve amerikane, policia iu përgjigj vendit të ngjarjes pak para orës 16:00. jashtë katedrales në 112th St dhe Amsterdam Ave.
Dhe siç thuhet më tej, kur arritën oficerët, i dyshuari qëlloi në drejtim të policisë, dhe policia pastaj ia ktheu me të shtëna.
Burri u qëllua dhe u dërgua në St. Luke’s Hospital, ku më vonë ndërroi jetë.
Zyrtarët e policisë thonë se burri arriti të hynte në majë të shkallëve dhe më pas filloi të hapte zjarr në ajër ndërsa dëshmitarët okularë thonë se burri u dëgjua duke thënë Më qëllo, më vrit!’
Sapo u qëllua i dyshuari, policët siguruan vendin e ngjarjes dhe gjetën një qese të mbushur me sende, si një kanaçe të mbushur me benzinë, litar, tel, thika të shumta, një Bibël dhe shirit.
Siç bëhet e ditur, asnjë oficer policie ose ndonjë pjesëmarrës nuk u plagos nga të shtënat në Manhatan të Neë Yorkut, ndërsa ende nuk dihet për motivin e të shtënave.
Top Channel
