Pas procesit që u zvarrit për 7 vite, Gjykata në Itali hedh poshtë akuzat ndaj anijeve të shpëtimit 20/04 08:45
Virgin Galactic do të kryejë një fluturim testues të një avioni turistik që do të lancohet nga një raketë.
Ky do të jetë fluturimi i parë me ekuipazh i mjetit të tij shumëpërdorimësh Unity, që niset nga spaceporti i ndërtuar me qëllime komerciale në Nju Meksiko, në SHBA. Kompania e sir Richard Branson-it do të fillojë fluturimet turistike hapësinore në vitin 2021.
Më shumë se 600 klientë kanë bërë pagesat tashmë, përfshirë këtu Justin Bieber-in dhe Leonardo di Caprio-n duke prenotuar shëtitjen me avion. Fluturimi i të shtunës do të jetë i pari nga tre fluturime demonstruese përfundimtare, para se shërbimi komercial të fillojë. Në fluturimin e tretë, Sir Richard Branson vetë, do të ngjitet në bord për të testuar atë që ai ka 16 vite që e premton.
Para se kjo të ndodhë, Virgin Galactic duhet të kalojë disa hapa përgatitorë. Misioni i të shtunës do të ketë vetëm dy pilotë në bord, ish-astronautin e NASA-s, CJ Sturckow dhe kryepilotin testues, Dave Mackay. Një aksident fatal në vitin 2014 çoi në një hetim dhe në ridizajnimin e elementëve të sistemit.
Top Channel
