Rikthehet reporteri i luftës/ Pas 30 vitesh kërkon personazhet që i takoi gjatë vizitës në Shqipëri

Po ashtu na sjell një ngjarje historike të rëndësishme, vizitën e Nënë Terezës në Shqipëri. Ky portret i saj është gjithashtu një foto e bërë nga ai. Në pallat sporti që në origjinë është një kishë në Shkodër e shndërruar në komunizëm. Pas 30 vitesh në të njëjtin vend Michel Setboun fotografon një franceskan italian, i cili është në kërkim të eshtrave të franceskëve që janë vrarë në atë kohë. Detyra e këtij fotografi, është t’i rikthejë kombit tonë fotografitë dhe kujtimet e së shkuarës.

Michel Setboun: Për herë të parë kam ardhur në Shqipëri në 1981. Në atë kohë ishte regjimi komunist. Ishte e pamundur të vija këtu si gazetar dhe prandaj ju bashkova një grupi turistësh marksistë leninistë. Më pas organizova tourin e parë në Shqipëri për revistën Figaro. Dhe shkova në të gjithë veriun e Shqipërisë ku takova njerëz që skishin parë të huaj për më shumë se 30 vjet.

Ky rikthim i reporterit të luftës Setboun pas shumë vitesh mbartte misionin e gjetjes së këtyre personazheve të fotografuar vite më parë. Ai sjell nëpërmjet objektivit vazhdimësinë e jetës së tyre, ndryshimet dhe historinë.

Michel Setboun:Dje takova një grup njerëzish që gjatë asaj kohë ishin në të njëzetat e tyre. Ata atëherë nuk më rrëfenin gjë, por sot kam përgjigjet e pyetjeve të mia. E pyeta dikë çfarë ndodhi, ai më tha që gjatë asaj kohe i ati u arratis në SHBA dhe nëna e tij u burgos për gjashtë vite. Unë mendoj që është e rëndësishme t’ja kthej Shqipërisë këto histori dhe kujtime. Ky vend më dha shumë dhe kjo është një detyrë për mua.

Gjetja e tyre nuk ka qenë e lehte. Gjithmonë ka pasur elemente befasie shumë të bukur, një nga këto është rasti i skulptorit Arben Bajo.
Ekspozita do të çelet në Qendrën për Hapje dhe Dialog të premten dhe do të qëndrojë përgjatë gjithë dhjetorit.

Top Channel