Izraeli sulmon Libanin/ Dronët shënjestrojnë makinën me aleatin e grupit militant Hezbollah 26/04 21:44
25.271 raste të reja të koronavirusit janë regjistruar në Itali në 24 orët e fundit me gjithsej 147.725 testime të kryera.
Viktimat e 24 orëve të shkuara ndërkohë janë 356, duke e çuar bilancin total që nga fillimi i pandemisë në 41750. Rajoni me rritjen më të madhe të rasteve të koronavirusit është sërish Lombardia, ajo që u prek më rëndë edhe në valën e parë në pranverë.
Ndërkohë është rritur numri i të shëruarve në terapi intensive në të gjithë vendin por edhe ai i të shëruarve, me 10215 persona që e mundën virusin vetëm në 24 orët e fundit. Italia prej ditësh i është nënshtruar masave të reja në përpjekje për të frenuar përhapjen e virusit. Vendi është ndarë në zona, ku ato të kuqet janë thuajse në izolim të plotë, ndërsa në zonat portokalli dhe të verdha masat janë më të buta.
Nga e mërkura me urdhër të ministrisë së shëndetësisë, provinca e Bolzanos do të bëhet zonë e kuqe, ndërsa Liguria, Abruzo, Umbria, Bazilikata, Liguria dhe Toskana, bëhen zona portokalli.
Top Channel
