Bayerni i Mynihut e nis mbrojtjen e titullit në Champions League me një fitore bindëse ndaj Atleticos së Madridit, që u duk skuadër e vogël përballë gjigantëve të Gjermanisë. Kampionët e Bundesligës fituan thellë 4-0 ndaj “Los Colchoneros” me gola të Coman (shënoi në dy raste, të parin dhe të fundit të takimit), Goretzkas dhe francezit Tolisso.

Edhe Liverpooli e nis me këmbën e mbarë fazën e grupeve, duke fituar 0-1 në fushën e Ajaxit të Amsterdamit, që u ndëshkua nga një autogol i Tagliaficos.

Nuk bind Interi, që nuk shkopi më shumë se barazimi 2-2, në “San Siro”, përballë Borussias së Moenchengladbachut. Zikltërve nuk u mjaftoi i zakonshmi Romelu Lukaku, që hapi dhe mbyllI serinë e golave, pasi mes finalizimeve të belgut gjermanët shënuan dy herë me Bensebainin Hde Hofmanin. Nuk zhgënjeu Manchester City, që fitoi me përmbysje 3-1 përballë Portos. Golat e Agueros, Gundoganit dhe Torresit bënë të pavlefshëm finalizimin e Luiz Diaz.

Vazhdon të mahnitë Atalanta, çerekfinaliste e sezonit të kaluar, e cila shkatërroi 0-4 Midtjylland (shënuan Zapata, Muriel, Gomez dhe Miranchuk). Me rezultat minimal fitoi Olympiacosi përballë Marseille.

Top Channel