Asambleja politike e PPE miraton rezolutën: Drejtuesit e opozitës të izoluar në prag të fushatës 22/11 15:03
Deputetja e opozitës parlamentare, Rudina Hajdari ka reaguar në lidhje me propozimin e bërë nga Partia Socialiste për uljen e pragut nga 3% në 1%.
Sipas Hajdarit ky propozim është një ofendim jo vetëm për opozitën parlamentare por edhe për të gjithë shqiptarët.
Në mesazhin e dërguar për mediat, deputetja shprehet se ky është i njëjti propozim me atë të mëparshmin, por vetëm se është artikuluar ndryshe.
Në fudntë mesazhit Hajdari shprehet se opozita parlamentare nuk e pranon këtë propozim dhe se duan lista të hapura 100%.
Mesazhi i plotë i Hajdarit:
Propozimi i sotëm i Partisë Socialiste është një ofendim jo vetëm për opozitën parlamentare por mbi të gjitha për shqiptarët. Praktikisht është i njëjti propozim si ai i mëparshëm, thjesht i artikuluar ndryshe me më shumë hile dhe truke brenda. Është për t’u keqardhur se si Parlamenti nga një institucion serioz i cili duhet t’i shërbejë qytetarëve dhe Shqipërisë është kthyer në strehë intrigantësh që mendojnë nga mëngjesi deri në darkë se si t’ia hedhin qytetarëve. Ne nuk e pranojmë këtë propozim, ne duam lista të hapura 100%, pa truke e pa hile. Duam që deputetet t’i vendosë qytetari dhe jo kryetari. Duam demokraci reale dhe jo kryetarokraci që përdor pushtetin për të grabitur vendin e pasuruar një grusht njerëzish. Mirëqënia e Shqipërisë kalon vetëm nëpërmjet demokracisë dhe për këtë ne nuk negociojmë.
Top Channel
