“Simpatike, yll është”, Bora Zemanin komenton Heidin: S’kemi çfarë i themi…. 26/04 22:57
Një teknologji e re e ushtrisë kineze integron mjetet e blinduara me skuadra dronësh të vegjël fluturues, për të kuptuar më mirë fushë-betejën për të mbrojtur dhe sulmuar.
Ushtria kineze thotë se ka testuar me sukses sistemin me mori dronësh që do të mbrojnë mjetet e blinduara duke u kaluar informacion mbi armikun në mënyrë që të mbrohen e të sulmojnë më mirë.
Në detajet e përmendura në mediat kineze përmendej si burim një artikull nga kompania ushtarake prodhuese Hiwing Aviation, që tashmë është fshirë nga rrjeti.
Kompania nga Pekini është e specializuar në dronët fluturues, dhe nuk dihet ende përse është hequr artikulli i saj mbi dronët e fushëbetejës.
Imazhet e publikuara tregonin një mori dronësh të koordinuar që udhëhiqnin autokolonën e blindave, mes të cilave përfshihej një tank dhe një mjet këmbësorie.
Raportimi thoshte se teknologjia e dronëve të shumëfishtë është një industri në rritje pasi dronët e prodhuar masivisht janë tashmë të lirë, fleksibël e të zëvendësueshëm.
Sipas raportimeve përdorimi i dronëve të shumëfishtë i jep mjeteve të blinduara një kuptim shumë më të mirë sesa një dron i vetëm.
Top Channel
