Skandali i dosjeve Epstein vazhdon, Princi Andrew ftoi financierin amerikan dhe një modele ruse për një darkë në Pallatin Mbretëror 08/02 08:32
Disa foto dramatike të shpërndara sot në rrjetet britanike tregonin emigrantë të cfilitur që dilnin në brigjet e Britanisë pas lundrimit të rrezikshëm mes kanalit Pas De Calais.
Emigrantët shiheshin duke u përpjekur të dilnin në breg teksa notonin me duar, ndërsa të tjerë të ezauruar nga lodhja shembeshin përdhe ose mbështeteshin në shkëmbinjtë e brigjeve të Kent pas lundrimit të rrezikshëm nga Franca.
Dy gomone u panë të afroheshin në breg teksa emigrantët e qullur ecnin duke u rrëzuar për të arritur rërën.
Një nga grupet shihej që pas daljes në breg hiqnin rrobat e lagura dhe ndihmonin njëri-tjetrin teksa nisën të komunikonin me zyrtarët britanike të forcave kufitare që erdhën shpejt në skenë.
Në të tjera pamje shihej një familje emigrante e ulur në një stol në shkëmbinjtë e St Margaret pranë Dover, teksa të tjera grupe shoqëroheshin në portin e qytetit nga forcat kufitare britanike.
Sipas raportimeve katër gomone arritën t’i shpëtonin autoriteteve dhe zbarkuan pranë Folkestone.
Një nga dëshmitarët tha për mediat: “Ne ishim aty para policisë. Barka e autoriteteve nuk mund të hynte sepse ishte cekët. Sikur të mos ishim ne ata do të kishin ikur me vrap. Disa tentuan të largoheshin por ne i bindën të mos e bënim. U thanë se ka hekurudha e linja elektrike rrotull dhe nëse nuk dinin rrugën do të vdisnin.”
Dëshmitari foli më tej për gruan bionde me atlete të bardha: “Ajo dukej që ishte e mbaruar, ra përtokë sapo arriti. Kur u dhanë një shishe Diet Coke nisi ta merrte veten por vazhdonte të dridhej.
Duke iu referuar një tjetër gruaje që po qëndronte në shkëmbinjtë, ai shtoi se u shtri përtokë duke u ankuar me dhimbje stomaku dhe se po e ndihmonte një anëtar u grupit që fliste anglisht.
Top Channel
