Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Aktori filmave për të rritur Ron Jeremy, i burgosur tashmë për disa përdhunime e sulme seksuale, është akuzuar sot dhe për të paktën 20 përdhunime të tjera që datojnë prej vitit 2004, duke përfshirë dhe sulmin ndaj një vajze 15-vjeçare, thanë prokurorët në Los Angeles.
Që prej arrestimit të tij fillestar një vit më parë, aktori 67-vjeçar që ka luajtur në më shumë se 1,700 filma për të rritur, 25 pretendime të reja janë depozituar kundër tij. 13 prej tyre vijnë nga Los Angeles, duke përfshirë dhe një 21-vjeçare që thotë se u sulmua prej tij jashtë një dyqani në Hollywood në janar të këtij viti.
Jeremy është shpallur i pafajshëm për akuzat e mëparshme dhe pritet të bëjë të njëjtën gjë me 20 akuzat e reja. Ai ka qenw nw liri me kusht deri kohët e fundit.
Akuzat datojnë që prej vitit 2004, kur Jeremy akuzohet se ka sulmuar seksualisht një adoleshente në një festë në Santa Clarita, në periferi të Los Angeles
Viktimat e tij janë nga mosha 15 deri në 54 vjeç.
Nga akuzat e reja, gjashtë kanë ndodhur në një bar në West Hollywood dhe një tjetër në parkingun e këtij ambjenti.
Nëse shpallet fajtor për 28 akuzat e dhunës seksuale në Los Angeles ai mund të dënohet me 250 vjet burg.
Jeremy – emri i vërtetë i të cilit është Ronald Jeremy Hyatt – është një nga fytyrat më të njohura të industrisë së filmave “me pullë të kuqe”.
Mediat vendore thonë se gjashtë nga pretendimet e reja, vijnë nga vajza pjesë e kësaj industrie.
Lianne Young ka treguar për mediat sesi Jeremy e ndoqi atë nga pas para se ta sulmonte në Sunset Strip në vitin 2000.
Aktorja e filmave për të rritur tha se ishte e veshur me bikini në një festë të Halloween kur Jeremy e shtyu me forcë mbi një tavolinë dhe e përdhunoi.
Sipas Young, makthi i saj zgjati vetëm disa sekonda pasi e largoi me forcë atë, por tashmë 45 vjeçarja thotë se tre drejtues të tjerë të industrisë së filmave ishin prezentë gjatë sulmit dhe nuk reaguan fare.
Alana Evans, presidente shoqatës së aktoreve të filmave për të rritur, thotë se ka qenë gjithashtu në festën në fjalë dhe akuzon Jeremy se e ka përdhunuar.
Një tjetër aktore për të rritur Elle Hell thotë se ishte tepër e trembur nga influenca e Jeremy në industrinë pornografike për të denoncuar sulmin seksual të tij në 2014 në Chicago.
E përditshmja Times thotë se shumë viktima deklaronin se Jeremy ‘i shkelte kufijte’ me femrat në momentin e parë që i takonte.
Sabrina Alvarado, ish-modele e Playboy, tha se ka takuar për herë të parë Jeremy në eventin Exxxotica Expo në New Jersey, në 2015.
Alvarado thotë se i kërkoi Jeremy një foto por ai menjëherë e kapi nga gjokset dhe më pas e preku me gojë në to. Ajo dha provat me foto të momentit në fjalë.
Menaxherja e pronave të patundshme Charity Carson-Hawke tha për revistën Rolling Stone se kishte qenë mike me Jeremy kur ai kishte tentuar ta sulmonte në një hotel në maj 2020.
Carson-Hawke thotë se ata ishin në dhomën e hotelit me disa njerëz të tjerë, kur Jeremy i tha se donte t’i tregonte diçka. Ajo e ndoqi atë pasi mendonte se do të shkonin në një dhomë tjetër, por ai e drejtoi drejt tualetit.
Ajo thotë se Jeremy mbylli derën pas vetes dhe e mbështeti në mur duke e prekur.
“Ai përpiqej të vendoste dorën time te penisi i tij. Unë i thashë ‘Çfarë dreqin po bën?’ po ulërija e po rezistoja”, thotë ajo teksa më pas kishte shpëtuar nga kapja e tij dhe doli jashtë.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
